- Даргаасаа НУУ
- Posts
- 👀 Даргаасаа нууж уншаарай
👀 Даргаасаа нууж уншаарай
Даргаасаа НУУ
July 31, 2024
Presented by Worki.mn
Олимпын сонирхолтой нээлт, Монгол улс медаль авсан гээд спортлог мэдээнүүд ар араасаа цацагдаж буй өдрийн мэнд! Ээлжийн амралтууд ч дуусах дөхөж их ажилтай сарууд ч эхэлж байна даа... 😎
Өмнөх сарын дугаарыг уншиж амжаагүй бол ЭНД дараарай
ЗӨВ-ЛӨЕ
🙌 Мастерт заавал сурах шаардлагатай юу?
Хэн нэгэнтэй карьераа хэрхэн төлөвлөж байгаа талаар ярихад ойрын 5 жилдээ мастерт сурах төлөвлөгөөтэй гэж бараг хүн бүр л ярьдаг шүү дээ. Тэгвэл хичээлийн шинэ жил удахгүй эхлэх гэж буй энэ үеэр мастерт суралцахын давуу сул тал нь юу байдаг талаар хүргэж байна.
Давуу тал нь? | Сул тал юу байна? |
|---|---|
Илүү өндөр цалин авах боломжтой | Суралцахад зардал өндрөөс гадна ажил хийх боломжгүй болж магадгүй |
Хэрэв та Ранк өндөртэй сургуульд суралцаж чадвал карьерын хувьд олон улсад өрсөлдөж чадна | Таны хүссэн ажилд тань шууд оруулахгүй
|
Мэргэжлээрээ ахиж дэвшихэд шаардлагатай ур чадвар, мэдлэгийг танд олгоно | Хэрвээ та мэргэжлээрээ ажиллахгүй бол тийм ч үнэ цэнтэй зүйл биш юм |
Мэргэжил нэгтнүүдийн хүрээлэл нэмэгдэнэ | Мастерт суралцахад таны амьдралын хэмнэл, хэв маяг өөрчлөгдөх болно |
💥Мэдээж, шууд тийм эсхүл үгүй гэсэн хариулт байхгүй билээ. Энэ нь таны ажиллаж буй салбар, карьерын зорилго, санхүүгийн байдлаас хамаарна. Магистрын хөтөлбөрт хамрагдаж, суралцахын тулд ихээхэн мөнгө, цаг хугацаа, эрч хүчээ зориулах нь тодорхой учраас бусад маань сураад байгаа учраас гэдэг өнцгөөс биш өөртэйгөө ярилцан сайн бодож байж шийдэх нь зөв юм.
🚀⏰ Танд бий болох давуу болон сул талуудыг үнэлэхийн тулд өөртөө цаг гаргаарай. Хэрэв танд тохирохгүй гэж шийдсэн бол таны карьерыг зөв чиглэлд аваачих мэдлэг, туршлага олж авахад тань туслах өөр арга замууд маш олон байгаа бөгөөд тэдгээрийг хэрэгжүүлэхийг зөвлөж байна.
CARE-ЛИЙ
Уншаагүй и-мэйл, шаардлагагүй уулзалтууд, яриа хөөрөө гээд ажил дээр анхаарал сарниулах зүйлүүд асар олон. Тодруулбал, Unily-н тайланд дурдсанаар, ажилтнуудын 30 минут тутамд анхаарал нь сатаардаг байна. Судалгаанд хамрагдсан хүмүүсийн бараг гуравны нэг нь 15 минут тутамд дор хаяж нэг удаа анхаарал сарниулж байсан гэж мэдээлсэн нь бүр ч цочирдмоор. Анхаарал сарниснаас улбаатайгаар бүтээмж мэдэгдэхүйц буурдаг бөгөөд анхаарал сарнисан хүн буцаад төвлөрөхийн тулд дунджаар 23 минут 15 секунд зарцуулдаг байна.
Тэгвэл ажил дээрээ анхаарал сарнихыг багасгах 7 аргыг танд танилцуулъя.
TOXIC ТҮҮХҮҮД #2
Миний хуучин ажиллаж байсан газарт үнэхээр toxic менежер байсан юм. Анх ажилд орох үед ex менежер маань байнга л инээсэн хүмүүсийг дандаа магтаад л манай тэр гээд л явна, хүмүүстэй ч хэл амаа сайн ололцдог. Би бүр энэ хүн шиг ахлах ажилтан болох юмсан гэж хүртэл боддог байлаа. Цаг хугацаа өнгөрөөд хийх ажлаа гартаа оруулаад бусад ажилчдын АБТ, зан чанар, ур чадварыг мэддэг болох тусам менежерийгээ үнэлэх үнэлэмж алдагдсандаа. Гэтэл хүндэлж явсан хүн минь ажил хийдэг биш хошуу хүргэдэг хүнд анхаарлаа төвлөрүүлдэг хүн байдаг юмдаа. Юу гэх гээд байна вэ гэхээр тэр хүнд долигонож ханддаг, үргэлж бусдыгаа дор болгож ярьдаг, хэн нэгний алдаан дээр дөрөөлж өөрийгөө дөвийлгөдөг бас мэдээжийн хэрэг ашиг сонирхол нэгдмэл хүмүүсийг илүү үнэлдэг байх нь тэр. Гүйэ бүр хамгийн хэцүү нь хэн нэгэн нь уурлуулчих л юм бол бүх нийтээр нь хаазалж өгнө дөө бүтэн өдөржингөө айдастай чичирдэг байлаа ш тээ. Хамгийн ойрхон нэг жишээ нь жилийн эцсийн тайлан болов оо тайлангаа ч бэлдээд хугацаанд нь өглөө магадгүй дутуу, үнэлэмж авахааргүй байсан байж болох ч тэр хүнд таалагдсангүй гэдгээ маш бүдүүлгээр илэрхийлэн биднийг загнаж билээ. Хуулийн зөвлөх рүү залгаж бүүр энэ хэдийн ажлыг ирээд шалгах хэрэгтэй байна. Юу ч хийхгүй ширээний ард суугаад цалин авдаг гээд л чанга чанга хашгиран ярьж гарав аа хө. Бидний хичээнгүйлэн хийсэн жилийн хөдөлмөрийг үл тоосон нь тэр билээ. Тэгтэл нөгөө л нэг гэр бүл, хамаатан садан, улыг нь долоочих шахам кофе барьж гүйдэг хүмүүс нь тайлангаа өгөөгүй байх бөгөөд мэйлээр удахгүй явуулна аа гэснээс хагас сарын дараа өгч билээ. Тэгсэн тэр хүний гаргасан хариу үйлдэл нь юу байсан гээч /Yнэхээр их баярлалаа. Та нар минь хамгийн хүнд ажил хийж байгаа учраас удаах нь аргагүй ээ гээд л уянгалж өгдөг юмдаа. Шүгэл үлээгч гэдэг үгийг өөр утгаар нь ашиглаж яваа хүн дээ. Хов сонссон ч ажил бол ажил амьдрал бол амьдрал гэдгийг ялгаж чаддаг, хэцүү зүйл тохиолдсон ч бусдыгаа унтраадаг биш урам өгөөд дэмнэж чаддаг, байх нь Удирдлага хүн юм шүү л гэж өдөр болгон өөртөө хэлдэг дээ одоо бодох нээ ажлаасаа гарсан нь үнэхээр зөв шийдвэр байсан юм.
🔎TOXIC ДАРГА-н түүх хайж байна
💌 ЭНД дарж өөрийн toxic удирдлагатай ажиллаж байсан түүхээ бидэнтэй хуваалцаарай. Бид дараа дараагийнхаа шууданд нийтлэх болно.
КАЛЕНДАРАА БУДААРАЙ
САНАЛ БОЛ-ГОЁ
Worki дээр нийтлэгдсэн байгаа ОНЦЛОХ ажлын зарууд
Хүний нөөцийн ажилтан | Шангри-Ла Улаанбаатар
Цалин: 1,500,000₮ - 1,800,000₮
CV илгээх бол ЭНД дарна уу
✍CV-гээ хэрхэн тултал нь бичихээ мэдэхгүй байвал ЭНЭ нийтлэлийг уншаарай.
МЭЙЛЭЭ ХААХААСАА ӨМНӨ....
🤗 Зөвхөн өөртөө зориулах “me time” гаргахаа мартуузай.
Карьер, ажил мэргэжлийн хувьд өсөж дэвжих зорилготой байгаа танд зориулан заавал үзэх, унших, сонсох лист бэлтгэлээ.
📺 Үзэх лист: “UNTIE” подкастад MSM группийн Гүйцэтгэх захирал Марк Габел оролцлоо. Mercedes Benz-с эхлүүлэн дэлхийн шилдэг брэндүүдийг оруулж ирдэг тус группын гүйцэтгэх захирлын менежментийн арга барил болон гадаад хүний Монгол дахь бизнесийн орчны туршлагын талаар ярилцлаа. Менежментийн түвшинд ажилладаг болон ирээдүйд ажиллах хүсэлтэй талентуудын заавал үзэх дугаар хэмээн бид санал болгож байна. Мэдээж ойлгож авсан зүйлээ комментоор үлдээхээ мартуузай.
📚 Унших лист: Hey HR! И-мэйл товхимол Хэрвээ та хөдөлмөрийн зах зээлийн талаарх гадна дотнын мэдээллийг монгол хэл дээр долоо хоног бүр авахыг хүсвэл энэ холбоосоор орж бүртгүүлээрэй. Баг удирдаж ажилладаг болон HR-н чиглэлээр сурдаг, ажилладаг хэн бүхэнд хэрэгтэй мэдээлэл байна гэдэгт итгэлтэй байна.
🎧 Сонсох лист: Марисса Маеэр 1999 онд Стэнфордын их сургуулийг төгсөөд Сонгон шалгаруулалтын зөвлөхийн тусламжтайгаар Гүүглийн 20 дахь ажилтан болж ороод 13 жилийн хугацаанд хөгжүүлэгчдийн багийн ахлагчаас Гүүглийн гүйцэтгэх захирал болтол амжилтуудаар дүүрэн явсан. 13 жил болсны дараа карьерынхаа дараагийн алхмыг Сонгон шалгаруулалтын зөвлөхийн тусламжтайгаар Yahoo-д эхлүүлж чадсан карьерын замналыг нь сонсоорой.
ТАНЫ НЭГ CLICK Ч ҮНЭ ЦЭНТЭЙ
Танд цахим шуудангийн энэ дугаар таалагдсан уу? |
Бид хэрхэн сайжруулах вэ?
💌 Танд ямар нэг санал хүсэлт, шинэ санаа байвал шууд энэ и-мэйл рүү “reply” хийгээрэй!