Өдрийн мэнд! Та товхимлоо даргаасаа нууж уншиж байгаа биз дээ?? Итгэж байгаа шүү 😎😎

Өмнөх сарын дугаарыг уншиж амжаагүй бол ЭНД дараарай 

ЗӨВ-ЛӨЕ

🗣️ Танд дөнгөж сургуулиа төгсөж, ажлын гараагаа эхэлж байхад хэн нэгэн энийг хэлээд ч өгөөсэй гэж боддог зүйл байдаг уу? Тэгвэл бид шинэ төгсөгчөөс авхуулаад карьертаа анхаарал хандуулж буй хэн бүхэнд хэрэгтэй зөвлөгөөг бэлдлээ. Та дараах сэтгэлгээг өөртөө дадал болгосноор таны карьерт хэрэг болно гэдэгт итгэж байна.

🙌Хэрвээ Шинээр сургуулиа төгсөөд дөнгөж ажлын гараагаа дөнгөж эхэлж байгаа бол ЭНЭ нийтлэлийг заавал уншаарай 

ОНЦГОЙ ТҮҮХҮҮД #5

🔎ОНЦГОЙ түүх хайж байна 

💌 ЭНД дарж өөрийн Ажилтай холбоотой сонирхолтой, хөгжилтэй, сургамжтай түүхээ бидэнтэй хуваалцаарай. Бид дараа дараагийнхаа шууданд сонирхолтой хэлбэрээр нийтлэх болно. 

САRE-ЛИЙ

Танай компани “toxic” уу? 

Toxic гэдэг нь зүгээр нэг амны уншлага болсноор биш яг ямар зүйлийг toxic гэж тодорхойлдог талаар хамтдаа бүр илүү мэдэж авцгаая. 

Үгийн тодорхойлолт: 

Эхэндээ энэ үгийг бие махбодод хор хөнөөл учруулдаг эсвэл бүр үхэлд хүргэдэг бодисуудыг тодорхойлоход ашигладаг байжээ. Харин сүүлийн үед нийтлэгээрээ сэтгэл зүй, нийгэмд хор хөнөөл учруулдаг орчин, зан үйл, харилцаа, соёл зэрэг зүйлсийг тодорхойлж ашигладаг болжээ. Toxic ажил, toxic хүн, toxic дарга, toxic орчин гээд төрөл бүрээр тодорхойлдог ч яг ямар компанийг toxic гэх вэ? 

🚨 Анхаарахгүй өнгөрч болохгүй toxic компанийн 3 RED FLAG 🚨 

🚩 Ажилтнууд нь байнга ажлаас гарах талаар ярьж, ажлаас гарч байдаг. Мэдээж ажилтнууд тогтохгүй байгаа нь тухайн компанид ямар нэг “болохгүй зүйл” байгааг илтгэж байгаа хамгийн эхний анхаарах зүйл юм. 

🚩 Зандарч уурлах нь хэвийн үзэгдэл. Хэрвээ уурладаг захирал, дарга байгаад иймэрхүү байдлаар бусадтай харьцаж байгааг нь хүлээн зөвшөөрдөг бол магадгүй тухайн компанид биш хүндээ асуудал байгаа байх. Судалгаагаар удирдах түвшинд ажиллаж буй хүмүүс сэтгэл хөдлөл болон стрессээ удирдаж чадахгүй, харилцааны ур чадвар муу, шийдэгдээгүй зөрчилдөөнтэй байх үедээ бусад руу орилох, зандарч уурладаг байна.  

🚩 Байнга micro-management хийдэг. Намайг и-мэйлдээ CC хийгээрэй, Энийг ингэж хийх ёстой, Яагаад хэлснээр хийгээгүй вэ% Чи хэнтэй уулзалт хийх гэж байгаа вэ? Эдгээр асуултууд танд танил санагдаж байна уу? Магадгүй micromanager-тэй та хамт ажилладаг байж магадгүй л юм.  

(Ирэх сар бид micromanager - тэй хэрхэн ойлголцож, deal хийх талаар мэдээлэл бэлтгэх болноо 😊) 

Хэрвээ та toxic орчинд байгаа бол түрүүн дурдсанчлан таны сэтгэл зүйн эрүүл мэнд, амьдралын чанарт сөрөг нөлөө үзүүлж байж мэдэх юм. Ярилцаж, ойлголцож үзээд ч болохгүй бол тэр газрыг орхиж явах нь хамгийн зөв сонголт байх.  

Харин өөр гоё соёлтой, гоё компанид ажилд орохыг хүсэж байгаа бол Worki дээрээсээ дараагийнхаа гоё ажлыг олоорой. 

ОНЦ-ЛОХ

Зориг сангаас Залуу манлайлал хөтөлбөрийн хүрээнд хэрэгжүүлж буй “Буруу Үгүй” төслийн хүрээнд Mongolia Talent Network-тай хамтарч дараах Гэр бүлд ээлтэй бодлого хэрэгжүүлдэг компаниудыг танилцуулж байгаа ба энэ удаад Капитрон банкны хэрэгжүүлж буй гэр бүлд ээлтэй бодлого, үйл ажиллагааг онцолж байна. 

Гэр бүлд ээлтэй ажлын байр - Капитрон банк ✨🎉

Хэрвээ та Капитрон банканд ажилд орохыг хүсвэл ЭНД дарж нээлттэй ажлын байрнуудын мэдээлэл аваарай 📢 😊  

Хүүхэд асрах чөлөөтэй ажилтныг дэмжих- “CAPIMOM” хөтөлбөр, Уян хатан цагаар ажиллах боломж, Ажилтны хүүхдийн төрсөн өдөрт зориулан олгодог цалинтай чөлөө, Бяцхан Капитрончууддаа зориулан жил бүр хүүхдийн баяр болон шинэ жилийн баяраар бэлэг, Гэрлэлтийн тэтгэлэг, буцалтгүй тусламж зэргийг гэр бүл болон хүүхдэд ээлтэй бодлогын хүрээнд хэрэгжүүлж байна.

🙌 ҮРГЭЛЖЛҮҮЛЭН УНШИХ БОЛ ЭНД ДАРААРАЙ

КАЛЕНДАРАА БУДААРАЙ 

САНАЛ БОЛ-ГОЁ

Worki дээр нийтлэгдсэн байгаа ОНЦЛОХ ажлын зарууд 

✍CV-гээ хэрхэн тултал нь бичихээ мэдэхгүй байвал ЭНЭ нийтлэлийг уншаарай.

МЭЙЛЭЭ ХААХААСАА ӨМНӨ.... 

🤗 Зөвхөн өөртөө зориулах “me time” гаргахаа мартуузай. 

Карьер, ажил мэргэжлийн хувьд өсөж дэвжих зорилготой байгаа танд зориулан заавал үзэх, унших, сонсох лист бэлтгэлээ.  

📺 Үзэх лист: “UNTIE” подкастын шинэ дугаарт бид бүгдийн сайн мэдэх Бадрал Шарк маань оролцлоо. Тэрээр өөрийн Үнэт Санхүүгийн Нэгдлийг байгуулаад удаагүй байгаа бөгөөд өөрийн санхүүгийн салбарт 20 гаруй жил ажилласан туршлага, замналынхаа талаар зангиагүй ярилцлаа 😀  

📚 Унших лист: Хүчтэй сэтгэл зүйтэй хүмүүсийн хийдэггүй 13 зүйл Эерэг сэтгэлгээ нь амжилтад хүрэх баталгаа биш юм. Түүний хүчийг нээхийн тулд та сэтгэлийн бодит байдлыг хүлээн зөвшөөрөх, нүүр тулах шаардлагатай юм. Харин сэтгэлийн тэнхээтэй болоход юу саад болдог вэ? Энэ саад бол бидний түгээмэл хийж заншсан 13 муу зуршлаас угшилтай. Эдгээр муу дадлыг орхиж, хүчтэй сэтгэл зүйтэй болоход тань хамгийн сайн туслах нууц аргыг энэхүү номоос уншаарай. 

🎧 Сонсох лист: 10-minute MBA подкаст Та 10 минутанд юу амжуулж чаддаг вэ? 10 минутын MBA бол бизнесээ хөгжүүлэхэд шууд ашиглаж болох бизнесийн практик хичээлүүдийг заадаг өдөр тутмын подкаст юм. Олон бизнесийн кэйс, жишээ судалгаа, тактик, ойлголтыг авахаас гадна хувь хүнээ хөгжүүлэхэд чиглэсэн сонирхолтой мэдээллүүдийг заавал сонсоод үзээрэй. 

ТАНЫ НЭГ CLICK Ч ҮНЭ ЦЭНТЭЙ 

Бид хэрхэн сайжруулах вэ? 

💌 Танд ямар нэг санал хүсэлт, шинэ санаа байвал шууд энэ и-мэйл рүү “reply” хийгээрэй!