- Даргаасаа НУУ
- Posts
- Даргаасаа нуу #5
Даргаасаа нуу #5
Даргаасаа НУУ
April 30, 2024
Presented by Worki.mn
Өдрийн мэнд! Даргаасаа нууж уншдаг и-мэйл товхимлын маань 4-р сарын дугаар өнөөдөр хүрч байна. Та биднээс и-мэйл хүлээн авахдаа хамгийн чухал нь Даргаасаа нууж уншаарай 😎
Өмнөх сарын дугаарыг уншиж амжаагүй бол ЭНД дараарай
ЗӨВ-ЛӨЕ
🗣️ Амьдралд цалин хүрэлцэхгүй байх, Ажил дээрээ шударга үнэлэгдэхгүй байх зэрэг олон шалтгааны улмаас ажилтан байгууллагадаа цалингаа нэмэгдүүлэх хүсэлт гаргадаг шүү дээ.
Тэгвэл хэрхэн үр дүнтэйгээр, зөвөөр хүсэлтээ илэрхийлж цалингаа нэмүүлэх вэ?
🙌 БЭЛЭН ТЕМПЛЭЙТ, ЖИШЭЭ ЗАГВАРЫН ХАМТ ТАТАХ БОЛ ЭНД ДАРААРАЙ
Чшшшшш, Даргаасаа нууж энэ темплэйтийг бөглөөрэй. Энэ темплэйтийг ашиглаж цалингаа нэмүүлсэн хүмүүс маш их байдаг тул таныг ч бас чадна гэдэгт итгэж байна.
Хэрэв нэмэгдүүлж чадсан бол харин хариугаа бидэнд reply хийж, коммент бичиж, dm-р ч хамаагүй заавал дуулгахаа мартуузай.
ОНЦГОЙ ТҮҮХҮҮД #4
Би санхүүгийн мэргэжилтэй хүн л дээ. Гэхдээ одоогийн эрхэлж байгаа ажил маань дата аналист. Энэ сайхан мэргэжлээр 4 дөх жилдээ ажилллаад, удахгүй хэлтсийн дарга хүртэл болох гэж байгаа.
Анхны компани дээрээ бүгд л excel дээр л ажилладаг, өөр ямар нэгэн tool ашигладаггүй, нэг төрлийн тайлангаа хэдэн янзаар л хийж хэвшсэн байсан. Би ч сургуулиа төгсөөд анх удаагаа ажиллаж үзэж байгаа болохоор тэр нь зөв юм шиг санагддаг байсан ч нэг ажлаа олон удаа яг ижил байдлаар хийх нь төвөгтэй санагдаж энэ тэнд зарласан янз бүрийн хичээлүүдэд сууж, олон төрлийн юм судалсаар өөрийнхөө бүх тайланг автоматжуулаад, цаашлаад бусад хэлтсийн тайланг ч асуудалгүй өдөр тутамдаа автоматжуулдаг болж сурсан мэдсэнээ байгаа хэддээ дандаа зааж явдаг байлаа.
Гэвч цаашдаа тэр ажилд хийх ч юмгүй болоод өсөж хөгжихгүй байгаа мэдрэмж төрөөд өөр мундаг технологийн компаниудад анкетаа өгч тэнцэж ороод улам их чадвараа өнгөлсөн юм шиг санагддаг. Анхны компани маань мундаг том байгаагүй ч хүн боломжоо олж харвал хаана ч юу ч сурч болдог юм шиг. Намайг гарах гээд өргөдлөө өгөхөд компани тэр чигтээ үлдэхийг ятгаж, бүгд л гунигтай байгаа нь байх хугацаандаа ямар их юм хийснийг минь сануулсан. Одоо ч гэсэн өдөр бүр ажиллаж байсан бүх компанидаа талархдаг. Ажиллаж байгаа газраа жижиг, том гэж янз бүрээр голохоос илүү тухайн байгаа газрын хэмжээнд биш илүү өөрсдийнхөө мэдлэгийн хэмжээнд дандаа анхаарч байгаасай гэж хүсдэг. Ямар ч жижиг газраас сурах юм дандаа байдаг шүү.
🔎ОНЦГОЙ түүх хайж байна
💌 ЭНД дарж өөрийн Ажилтай холбоотой сонирхолтой, хөгжилтэй, сургамжтай түүхээ бидэнтэй хуваалцаарай. Бид дараа дараагийнхаа шууданд сонирхолтой хэлбэрээр нийтлэх болно.
ТРЕНДИ
Хятадын Gen Z үеийнхний төлөөлөл саяхан TikTok-ын Хятад хувилбар болох Douyin дээр ажлын хувцсаа харуулсан бичлэгээ хийж оруулжээ. Тэр юу өмссөн байсан гээч? Гэрийн шаахай, унтлагын өмд, хүрэн цамц. Бараг 1.4 сая ‘share’ хийгдсэний дараа энэ нь бусдад ч сэдэл өгсөн гэж New York Times мэдээлээд амжиж....
Wuhan хотод ажилладаг интерьер дизайнер Синди Луо ч мөн "Би ажил дээрээ зүгээр л сууж байгаа болохоор ажилдаа хувцаслахын тулд мөнгө үрэх хэрэггүй гэж бодож байна" гэж өөрийн үзэл бодлоо хуваалцжээ. “Gross outfit at work” гэсэн хаштаг Хятад улс даяар тархаж, ажилтнууд тэр дундаа ихэвчлэн эмэгтэйчүүд хамгийн тухтай ажлын хувцсаа олон нийтийн сүлжээгээр хуваалцаж байна.
Дүгнэхэд, маргааш дэлхий даяар ажил дээрээ “гэрийнхээ хувцас”-тай ирдэг тренд ч гарч ирэхийг таахын аргагүй нөхцөлд л бид амьдарч байгаа шүү дээ. Мэдээж агуулгын хувьд “харагдах байдлаас илүү чухал зүйл” гэсэн зөв агуулгыг илэрхийлэхийг ч хүссэн байж магадгүй юм. Хэн мэдлээ, пажама шинэ blazzer болох ч юм билүү...
ОНЦ-ЛОХ
Зориг сангаас Залуу манлайлал хөтөлбөрийн хүрээнд хэрэгжүүлж буй “Буруу Үгүй” төслийн хүрээнд Mongolia Talent Network-тай хамтарч дараах Гэр бүлд ээлтэй бодлого хэрэгжүүлдэг компаниудыг танилцуулж байгаа ба энэ удаад Мобиком Корпорацын хэрэгжүүлж буй гэр бүлд ээлтэй бодлого, үйл ажиллагааг онцолж байна.
Гэр бүлд ээлтэй ажлын байр - Мобиком Корпораци ✨🎉
Хэрвээ та Мобикомд ажилд орохыг хүсвэл ЭНД дарж нээлттэй ажлын байрнуудын мэдээлэл аваарай 📢 😊
Хүүхэд хуурайлах өрөө, хүүхдэд зориулсан ариун цэврийн өрөө, эмч сэтгэлзүйчтэй төдийгүй уян хатан ажиллах боломжууд, Ажилтан болон түүний гэр бүлд зориулсан тэтгэмж, тусламжуудыг үзүүлж гэр бүл болон хүүхдэд ээлтэй бодлогын хүрээнд хэрэгжүүлж байна.
🙌 ҮРГЭЛЖЛҮҮЛЭН УНШИХ БОЛ ЭНД ДАРААРАЙ
КАЛЕНДАРАА БУДААРАЙ
САНАЛ БОЛ-ГОЁ
Worki дээр нийтлэгдсэн байгаа ОНЦЛОХ ажлын зарууд
✍CV-гээ хэрхэн тултал нь бичихээ мэдэхгүй байвал ЭНЭ нийтлэлийг уншаарай.
МЭЙЛЭЭ ХААХААСАА ӨМНӨ....
🤗 Зөвхөн өөртөө зориулах “me time” гаргахаа мартуузай.
Карьер, ажил мэргэжлийн хувьд өсөж дэвжих зорилготой байгаа танд зориулан заавал үзэх, унших, сонсох лист бэлтгэлээ.
🎧 Сонсох лист: “UNTIE” подкастын шинэ дугаарт Call Pro компанийн CEO Т.Аягүль-н оролцсон дугаарыг бид онцолж байна. Сургуулиа дөнгөж төгссөн даруйдаа компанийнхаа анхны ажилтан болж ажилд орж байсан тэрээр CEO болтлоо дэвшсэн бөгөөд монголд төдийгүй АНУ, төв Азийн орнуудад салбараа нээсэн компани удирдаж яваа манлайлагч эмэгтэйн түүх танд одоо байгаагаасаа илүү ажлаа сайн хийх, хичээх урам зориг өгнө гэдэгт итгэлтэй байна 😀
📚 Унших лист: “Harvard Business Review” бизнес, менежмент, манлайлал, карьерын талаар маш сонирхолтой нийтлэл болон судалгаанууд нийтэлдэг билээ. Тэгвэл өнөөдөр ажлын ярилцлагын үеэр түгээмэл 10 асуулт болон тэдгээрт хэрхэн оновчтой хариулах талаар зөвлөгөө нийтлэлийг онцлон хүргүүлж байна. Хэрвээ та ажлын ярилцлагад бэлдэж байгаа бол заавал уншаад үзээрэй.
📺 Үзэх лист: “The Social Network” Энэхүү кино нь Харвардын их сургуулийн оюутан Марк Зукерберг Facebook-г хэрхэн бүтээсэн түүхийн талаар өгүүлэх бөгөөд зөвхөн бизнес эрхлэх ойлголт бус технологийн дэвшлийн нийгэмд үзүүлэх нөлөөг тайлбарлаж, бизнес эрхлэгчдэд нийгэмд илүү их үүрэг гүйцэтгэх ёстойг сануулсан дэлгэцийн бүтээл болсон билээ. Зөвхөн амжилттай, ашигтай бизнесийг бий болгох төдийгүй, хамгийн чухал нь нийгэмд чухал нөлөө үзүүлэх чадвартай бизнес өөрөө амжилттай байдаг гэдгийг ойлгуулсан кино билээ.
ТАНЫ НЭГ CLICK Ч ҮНЭ ЦЭНТЭЙ
Танд цахим шуудангийн энэ дугаар таалагдсан уу? |
Бид хэрхэн сайжруулах вэ?
💌 Танд ямар нэг санал хүсэлт, шинэ санаа байвал шууд энэ и-мэйл рүү “reply” хийгээрэй!