Даргаасаа нуугаараййй

September 30, 2024

CARE-ЛИЙ

Ажлаа хойшлуулах нь залхуурал уу? 

Яагаад муу үр дагавар гарахыг мэдсээр байж хийх ёстой ажлаа эцсийн цагт нь тулгаж стрэсстэн хийгээд байдаг юм бэ? Гэж өөрийгөө зэмлэж байсан уу? Тэгвэл энэ нь залхуурал болон цагийн менежментийн асуудал биш харин өөрөө өөрийгөө зохицуулах асуудал байдаг байна. 

❗ Ажлаа хойшлуулах шалтгаанууд: 

  1. Хийх ёстой зүйлээ төгс болгохыг хичээх 

  1. Хамгийн эцсийн мөчид хийдэг дадал, зуршил 

  1. Сэтгэл санаа тавгүй байх 

  1. Ачаалалтай үед сайн ажилладаг мэт санагдах 

  1. Ажлаа эхлүүлэх мотивацгүй байх 

  1. Ажлаа хийхийн тулд ажлаа бодох 

  1. Нэг ажлаа хийхийн тулд нөгөө ажлаа хийх ёстой 

  1. Алдаа гаргахаас айх 

Гэх мэтчилэн маш олон шалтгаанууд байдаг ба энэ бүгд таны хувьд зөв юм шиг санагддаг байна. 

😪 Ажлаа хойшлуулдаг хүмүүсийн төрөл: 

  1. Идэвхгүй ажлаа хойшлуулагч: Хийх ёстой ажлаа тодорхойлж чадахгүй байгаа учраас ажлаа эхлүүлэхгүй байх 

  1. Идэвхтэй ажлаа хойшлуулагч: Даалгавраа зориудаар хойшлуулдаг, учир нь дарамт шахалт дор ажиллах нь тэдэнд "сорилт, урам зоригийг мэдрэх" боломжийг олгодог. 

🧐 Хэрхэн ажлаа хойшлуулахаа болих вэ? 

Ажлаа хойшлуулахгүй байх олон арга техникүүд байгаа ч гэсэн та өөрөө өөртөө тохирсон аргаа бүтээх хэрэгтэй. Урамшуулал, помодоро арга, том ажлуудаа жижиг хэсгүүдэд хуваан хийх гэх мэтчилэн. Хамгийн чухал санах ёстой зүйл бол та өөрийнхөө хийж буй ажлынхаа гол зорилгыг харан тантай хэр нийцэж байгааг анзаарах хэрэгтэй. Ингэсний дараагаар та өөрт тохирсон аргаа олоорой. 

ЗӨВ-ЛӨЕ

Таардаггүй ажлын хамтрагчтайгаа ажиллах арга 

Хамт ажиллахад тухгүй бас хэцүү хүн гэж байдаг. Ийм үед тэдэнтэй хамтарч ажиллахаас өөр сонголтгүй үе ирэхэд сандрах, уур хүрэх, зугтаах мэдрэмжүүд төрдөг. Тэгвэл энэхүү байдлаас хэрхэн гарах вэ? 

  1. Өөрийгөө анзаараарай 🤔: Та тэдний яг юунд дургүй байна вэ? Ажиллах арга барил эсвэл үнэт зүйлс чинь өөр учраас уу? Эсвэл хэзээ нэгэн цагт танд хэлсэн үг нь таалагдаагүй юу? Гэх зэрэг асуултуудыг өөрөөсөө асуугаарай. Хэрвээ хэн нэгэн таны дургүйг хүргэсэн үйлдэл хийвэл тэдний үйлдэл дээр анхаарахаас илүүтэйгээр өөрөө хэрхэн хариу үйлдэл үзүүлж буйгаа анзаараарай. 

  1. Өөрийн дургүй байгаагаа өөртөө хадгал 🤐: Оффис, ажил дээрээ ажлынхаа хүнтэйгээ хэн нэгэнд дургүй байгаагаа хэлэхээс зайлсхийгээрэй. Таны гаргаж буй сөрөг үйлдэл тань бусад хүмүүст ч мөн халддаг ба та өөрөө муу хүн нь болох магадлалтай юм. Хэрвээ үнэхээр яримаар байгаа бол ажлаас гадуурх найзуудтайгаа ярилцаж байгаарай. 

  1. Ойрхон ажилла 🤗: Хэн нэгнийг ойлгох хамгийн сайн арга бол ойр байх байдаг. Тийм учраас дургүй хүнтэйгээ ойр ажиллах нь магадгүй хоорондын үйл ойлголцлыг байхгүй болгож, тухайн хүнээ ойлгоход тань тус болж магадгүй юм. 

  1. Шүүмж, санаагаа хэлэх 😉: Хэрвээ дээрх аргуудын аль нь ч болоогүй бол шүүмж болон санаагаа тухайн хүнтэйгээ хуваалцаад үзээрэй. Энэ нь бага зэргийн эрсэлдэлтэй мэт санагдаж болох ч гэсэн зөвөөр өөрийн санаагаа илэрхийлсэн тохиолдолд үр дүнтэй байж болно. Мэдээж ингэхдээ өөрсдийнх нь засаж болохуйц зүйл дээр нь л шүүмжээ хэлээрэй. Гэхдээ тухайн хүн нь хэр шүүмж авч чаддаг вэ? Гэдгийг мөн бодолцож хэрвээ уурлаж уцаарлах, хэрүүл болгох төрлийн хүн бол өөр арга ашиглаарай. 

  1. Тоохгүй байх урлаг 😎: Хэрвээ ямар ч арга чарга үр дүнгүй байвал тоохгүй орхиж сураарай. Тухайн хүн танд төвөг учруулж байгаа ч гэсэн танд төвөгтэй биш байх нь өөрт ирэх дарамт, стрессээ байхгүй болгох юм. 

TOXIC ДАРГА

Маш их түүхүүд ирсэн байгаа учраас өнөөдрийн дугаартаа 3 сэтгэгдэл нийтэллээ шүү 😉 Уншигчдын хүсэлтээр гэдэг билүү 😀  

Одоогоос 6 жилийн өмнө Монголын томоохон худалдааны байгууллагын маркетингийн газарт ажилладаг байлаа. Жил гаран ажилласны дараа манай шууд удирдлага ажлаасаа гарахаар болоод CMO нь өрөөндөө дуудаж, уулзаад баяр хүргэе, дэвшүүлэхээр боллоо энэ тэр гэснээ араас нь шууд гэхдээ 3 жил жирэмсэн болохгүй шүү амлалт өгөөрэй гэж авсан :| (жич: Тухайн үедээ хуримаа хийх гээд бэлтгэл ажил хийж байсан юм). Би тухайн үедээ дөнгөж жирэмсэн болсон, өөрөө ч мэдээгүй үе байсан юм байна лээ. Тэгээд тэр явдлын дараа 1 сарын дараа жирэмсэн болсноо мэдээд яаж хэлэхээ мэдэхгүй явж байхад манай захирал аль хэдийнээ мэдчихсэн, шинээр хүн хайгаад ажилд авчихсан бас энэ талаар надад юу ч хэлэхгүй байж байгаад миний оронд шинээр хүн ажилд авснаа ажлаа хүлээлгэж өгөөд хуучин ажлаа декрэтээ автлаа хийгээрэй гэж авдаг юм даа. Тэр явдлаас хойш яагаад ч юм сэтгэл хөрсөн байдаг.

Би мэргэжлээрээ уурхайн компанид оров оо. Анх сэтгэл хөдлөөд сайхан л байлаа. Удирдлага болон албаны дарга нараасаа их юм мэдэж авах байх гэсэн бодолтой гэсэн шал эсрэгээрээ байсан. Манай ахлах үнэн синдромтой хурал хийж байснаа гэнэт л ширээгээ цохиж нтр, чанга хашхирч би бүр шок ямар сонин хүн бэ л гэж бодсон. Хэлтсийн дарга маань хотоос томилолтоор ирэв ээ тэгсэн нөгөө өрөөнөөсөө тэрээ энээ гээд л чанга2 хашхираад л тэгсэн зүгээр л кофе уух гээд гэж үү арай2 тэгээд хурал хийе гэнэ бараг хийхгүй. Нэг хийсэн огт онц юм яриагүй зөвхөн хэрхэн ажилдаа дасах талаар ганц л хурал хийсэн байдаг юм. Би лав одоо удирдлага болон ахлах албан тушаалтай хүмүүсээс юм сурна гэж бараг үлгэр болж байх шиг байнөө.

Хэлтсийн дарга маань 50 орчим насны ганц бие, хүүхэдгүй эмэгтэй байдаг. Анх ажлын ярилцлага дээр ямар сүрхий яриатай хүн бэ, мэдлэгтэй туршлагатай хүн л ингэж ярина даа гэх зэргийг бодож байсан маань 7 хоногийн дараа л өөрчлөгдөж эхлэв ээ. Яаж яваад ийм хүнээр дарга хийлгэдэг байна гэж бодож эхэлсэн дээ. Учир юу вэ гэвэл ганц бие болоод ч тэр үү гэр бүлтэй, хүүхэдтэй хүмүүсийн зовлонг ер ойлгохгүй. Бүх л хүн өөр шиг нь нам сандал дээрээ суугаад 8 цаг ажлааа хийчхээд явж байх ёстой юм шиг аашилдаг. Тэрний хүүхэд өвдсөн гэнээ, тэрэнд ажил явдал гарсан гэнээ, дандаа л гэр бүлийн асуудал ярьсан хүмүүс байх юм гээд бүр илт дургүйлхэж, хөмсгөө зангидаж ярвайж ярина. Ажил явдал гарсан гэнээ бас л чөлөө гуйна биз гэж ярвайх жишээний. Тэрийг нь сонсох тоолонд огиудас хүрмээр. Удирдагч хүн атал эмпати, симпати түй ч байхгүй. Хуучин ажиллаж байсан хүмүүс маань бүгдээрээ энэ занд нь гомдоод уйлдгаа уйлаад, дасчихсан юм байна лээ хөөрхий. Өрөөндөө ганцаараа суучхаад хаалгаа нээгээд ямар нэгэн хэрэгтэй хэрэггүй биендээ илэрч буй өвчин зовууриа чангаар гэгч нь яриад л байна. Өөрөө намайг ойлгооч гээд яриад байх хэр нь ажилчдаа огт бодохгүй. Бусад хэлтсийн дарга, өөрийн доор ажилладаг ажилчдаа тойруулаад муулаад л байна. Тэгсэн хэр нь өөрөө бол 3 их дээд сургууль төгссөн, гадаад дотоод олон хүмүүстэй ажиллаж үзсэн боловсролтой хүн ийм цалингаар энд ингэж ажиллах ёсгүй ухааны юм ярина. Өөдөөс нь жоохон үзэл бодлоо илэрхийлээд юм хэлчихээр одоогийн хүүхдүүд ийм чөлөөтэй болчихсон юм уу, цалингаа их голох юм гэж дургүйцэх жишээний. Гэх зэрэг шалтгаанаас болоод даваагаас баасанд ажилдаа ирэх хамгийн үзэн ядмаар санагддаг даа. Арга ядаад чихэвчээ зүүгээд суухаар хүний үг сонссонгүй ядаргаатай юм гэж дургүйлхэнэ. Заза тэгээд гоё доо гоё. Ийм токсик даргууд холуур байх болтугай, хурай хурай хурай. Ажилдаа яарч ирэх хэчнээн гоё билээ дээ.

 🔎TOXIC ДАРГА-н түүх хайж байна 

💌 ЭНД дарж өөрийн toxic удирдлагатай ажиллаж байсан түүхээ бидэнтэй хуваалцаарай. Бид дараа дараагийнхаа шууданд нийтлэх болно. 

КАЛЕНДАРАА БУДААРАЙ 

САНАЛ БОЛ-ГОЁ

Worki дээр нийтлэгдсэн байгаа ОНЦЛОХ ажлын зарууд 

INDUSTRIAL AFTER SALES DIRECTOR | MSM Group

Цалин: 8,000,000₮ - 10,000,000₮

Worki дээрх үнэлгээ: 3.8 ⭐

Программ хангамжийн инженер | Нөмөр кредит ББСБ

Цалин: 4,000,000₮ - 5,000,000₮

Worki дээрх үнэлгээ: 4.8 ⭐

Ахлах программист | Номин Холдинг

Цалин: 4,000,000₮ - 5,000,000₮

Worki дээрх үнэлгээ: 3.8 ⭐

Planner | Трансвест Монголиа

Цалин: 3,000,000₮ - 4,000,000₮

Worki дээрх үнэлгээ: 5.0 ⭐

Cанхүүгийн менежер | Инвескор ББСБ

Цалин: 2,000,000 - 3,500,000₮

Worki дээрх үнэлгээ: 4.0 ⭐

✍CV-гээ хэрхэн тултал нь бичихээ мэдэхгүй байвал ЭНЭ нийтлэлийг уншаарай.

МЭЙЛЭЭ ХААХААСАА ӨМНӨ.... 

🤗 Зөвхөн өөртөө зориулах “me time” гаргахаа мартуузай. 

Карьер, ажил мэргэжлийн хувьд өсөж дэвжих зорилготой байгаа танд зориулан заавал үзэх, унших, сонсох лист бэлтгэлээ.  

📺 Үзэх лист: Intermed Hospital Mongolia нь Монголын анхны олон улсад хүлээн зөвшөөрөгдсөн эмнэлэг бөгөөд энэ жил 10 жилийн ойгоо угтаж байгаа билээ.Тэд энэ жил илүү өргөжин шинээр өргөтгөл хийн шинэ барилгадаа илүү олон хүнд хүрч үйлчлэхэд бэлэн болжээ. Ийнхүү та бүхэн тус шинэ оффисоор нь хамтдаа зочлоорой. Nomadic Worker шинэ дугаарыг ЭНД дарж үзээрэй. 

📚 Унших лист: Бид өнгөрсөн бямба гаригт Talent Summit арга хэмжээг амжилттай зохион байгуулсан билээ. Тэгвэл эвентийг маань угтсан нэгэн контент гарсан нь Unread-н нэг сэдвийн тухай арван өөр харах өнцөг, үзэл бодол, үнэт зүйлийг дэлгэх зорилготой 10 ертөнц, 10 өнцөг нийтлэлд өнөө цагийн байгууллага, компаниуд ямар ажилтныг эрэн хайж буй талаар онцоллоо. Сонирхолтой өнцгүүдийг олж уншина гэдэгт итгэлтэй байна. 

🎧 Сонсох лист: “UNTIE” подкастд Stora-н Гүйцэтгэх захирал Энхжин оролцоо. Түүнийг бид Apprentice шоуны шилдэг оролцогч гэдгээр нь сайн мэддэг билээ. Бизнесийн олон салбарт манлайлж ажиллаж буй түүний ажлын арга барил, ажил амьдралын тэнцвэрт байдлаа хэрхэн тэнцвэржүүлж авч явдаг талаар сонсож, олон хэрэгтэй типүүдийг олж чадна гэдэгт итгэж байна.