CARE-ЛИЙ

Энэ асуулт таны зорилго, сонирхол, оролцооны төвшинтэй шууд холбоотой.

Ажлын өдрүүдэд сайхан үе ч бий, саадтай үе ч бий. Гэхдээ нэг асуулт бүхнийг маш товч тодорхой болгодог: “Та энэ долоо хоногт ажлаасаа яг юуг нь хүсэн хүлээж байна вэ?”

Хэрвээ яг одоо хариулах хэрэгтэй бол юу гэж хэлэх вэ?

• Тодорхой нэг уулзалт уу?

• Ганцаараа төвлөрөх цаг уу?

• Сайшаал, шүүмжлэл авах уу?

• Баасан гарагийн ажлын цаг дуусах мөч үү?

• Эсвэл юу ч орж ирэхгүй байна уу?

Хэрвээ та юуг нь ч баяр хөөртэй хүлээдэггүй бол энэ нь буруу зүйл биш. Харин дохио байж болох юм. Магадгүй таны хийж буй ажил өөрт чинь тохирохоо больсон эсвэл нэг төсөл нь хэт их ядраадаг, илүү бүтээлч, тодорхой зорилготой орон зай хэрэгтэй болсныг илэрхийлж байх боломжтой.

✅ Туршаад үз:

• Долоо хоног эхлэхэд өөрөөсөө асуугаарай: “Энэ 7 хоногт би юунд хамгийн их дурлаж байна вэ?”

• Долоо хоногийн сүүлд эргээд хараарай: Үнэхээр тийм байсан уу? Юу өөрчлөгдсөн бэ?

ЗӨВ-ЛӨЕ

🏆 Үнэ цэнэ нэмдэг мэргэжилтэн болох 3 алхам

Ажлаа цагтаа хийдэг, найдвартай, алдаа гаргадаггүй байх нь сайн ажилтны шинжүүд. Гэхдээ ажлын орчинд зарим хүмүүс сайн ажилтан байснаараа бус, нөлөө бүхий хүн байж чадсанаараа карьерын хувьд өсөж дэвшдэг. Тэгвэл ялгаа нь юундаа байдаг вэ?

Сайн ажилтан = өгсөн даалгаврыг гүйцэтгэдэг
Нөлөөтэй ажилтан = асуудал олж хардаг, санал гаргадаг, итгэл төрүүлдэг

 Яаж энэ түвшинд хүрэх вэ?

1. Ажлаа тайлагнахаас илүүтэй  ач холбогдлыг нь тайлбарла

→ “Энэ ажлыг хийж дуусгалаа” гэхээс илүү:
→ “Энэ ажлыг ингэж шийдсэнээр X асуудал багассан” гэх нь илүү бүтээмжтэй сонсогддог.

2. Санал гаргахдаа гомдол биш, шийдэл дагуул

→ “Энэ нэг л болохгүй байна” биш
→ “Энэ хэсэг дээр ийм өөрчлөлт хийвэл илүү үр дүнтэй байх болов уу гэж бодлоо” гэдэг нь илүү итгэл төрүүлнэ.

3. Байнгын ‘завгүй’ байх нь бүтээмж биш

→ Зүгээр л хурдан ажилладаг хүн биш, асуудлыг зөв шийдэж чаддаг хүн илүү итгэл даадаг.

Та зүгээр нэг гүйцэтгэгч байхаа болиод, итгэл хүлээхүйц, үнэт хувь нэмэр оруулагч болох үе ирсэн байж мэднэ. Тиймээс зүгээр хийх биш хэрхэн нөлөө үзүүлж буйгаа харуулж сураарай.

ОНЦЛОХ АЖИЛ ОЛГОГЧ

Хүнсний манлай ууган үйлдвэр “Өгөөж-Чихэр боов” ХХК нь хуримтлуулсан баялаг туршлагадаа тулгуурлан бүтээгдэхүүнийг хэрэглэгчдэдээ хүргэхээс гадна ажилтнуудынхаа зөвхөн ажлын гүйцэтгэлд бус тэдний нийгмийн асуудалд бодитоор анхаарч, дэмжин ажилладаг байгууллага юм. “Өгөөж-Чихэр боов” ХХК нь ажилтнууддаа дараах дэмжлэгийг санал болгодог. 

1. Эрүүл мэндийн болон гэнэтийн ослын даатгал- Ажилтны эрүүл мэндийг хамгаалах, урьдчилан сэргийлэх зорилгоор даатгалд тогтмол хамруулдаг. 

2. Урьдчилсан үзлэг шинжилгээнд хамруулах – Ажилтны эрүүл мэндийг хамгаалах, цаг завийг нь хэмнэх зорилгоор урьдчилсан үзлэг шинжилгээнд байгууллагаас 100% төлбөрийг төлж хамруулдаг. 

3. Өдрийн хоол - Ажилтны эрүүл мэндэд анхаарсан шим тэжээлтэй өдрийн хоол  

4. Хөдөлмөрийг үнэлэх дэмжлэг - Хамт олон дундаа үлгэрлэн ажилладаг 20 гаруй айл орон сууцтай болсон ба цаашлан “Өгөөж” цогцолбор орон сууцныхаа ажлыг эхлүүлэн амжилттай үргэлжилж байна. 

5. Дотоод болон гадаадын аялал: Жил бүр ажлын гүйцэтгэлээрээ шалгарсан 10 ажилтныг гадаадад, 20-ийг дотоодод амраадаг уламжлалтай  

6. Жилийн нэмэгдэл: Тогтвортой ажилласан ажилтнууддаа жилийн нэмэгдлийг тогтмол олгодог 

Үр дүн нь юу вэ?  

1. Ажлын орчинд хөдөлмөрөө үнэлүүлж, хамт олны хамт бахархалтайгаар ажиллах  

2. Ажилтны бүтээмж эрүүлээр өсч, гүйцэтгэл эрс сайжирдаг  

3. Нийгмийн асуудлуудад чиглэсэн ажилтан төвтэй бодит шийдлүүд 

TOXIC ДАРГА

💌 ЭНД дарж өөрийн toxic удирдлагатай ажиллаж байсан түүхээ бидэнтэй хуваалцаарай. Бид дараа дараагийнхаа шууданд нийтлэх болно. 

КАЛЕНДАРАА БУДААРАЙ

САНАЛ БОЛ-ГОЁ

Worki дээр нийтлэгдсэн байгаа ОНЦЛОХ ажлын зарууд 

✍CV-гээ хэрхэн тултал нь бичихээ мэдэхгүй байвал ЭНЭ нийтлэлийг уншаарай.

МЭЙЛЭЭ ХААХААСАА ӨМНӨ.... 

🤗 Зөвхөн өөртөө зориулах “me time” гаргахаа мартуузай.

Карьер, ажил мэргэжлийн хувьд өсөж дэвжих зорилготой байгаа танд зориулан заавал үзэх, унших, сонсох лист бэлтгэлээ. 

📺 Үзэх лист: “Амралтын хүч” гэх Стефан Загмайстерын TED Talk-ыг үзэхийг санал болгож байна. Зогсолтгүй ажиллахыг магтдаг энэ цаг үед энэхүү илтгэл нь эсрэг өнцгийг харуулна. Уг илтгэлд Загмайстер өөрийн бүтээлч студийг 7 жил тутамд нэг жил бүрэн хааж, амардаг тухай хуваалцдаг.

📚 Унших лист: Остин Клеоны “Show your work”  номыг санал болгож байна. Энэхүү ном нь товч, ойлгомжтой хэр нь гүн утга бүхий бүтээл. Бүтээлч ажлаа хэрхэн хуваалцах, өөрийгөө хэрхэн харуулах талаарх хэрэгжүүлэхэд хялбар зөвлөмжүүдийг багтаасан.

🎧 Сонсох лист: “Manduulero” подкастын зөв амьсгалах нь шийдвэр гаргахад хүртэл нөлөөлдөг талаарх Амьсгал засалч Б.Мөнхсайхантай хийсэн ярилцлагыг сонсохыг санал болгож байна.