Та одоо хэдэн төгрөгийн цалинтай вэ?  Та Worki дээр CV-ний мэдээллээ бүрэн оруулаад, цалингаа AI-аар үнэлүүлэх боломжтой гээд боддоо. Мэдээж үүний дараагаар даргатайгаа цалингийнхаа талаар ярилцах гэж байгаа бол ‘хэрхэн ярилцах’ талаар зөвлөгөөг хүргэсэн нийтлэлийг ЭНД дарж уншаарай.😎 

CARE-ЛИЙ

🥱 Бүтэнсайны орой унтаж чадахгүй байна уу? 

Тэгвэл та ганцаараа биш бөгөөд үүнийг “Sunday Scaries” гэж нэрлэдэг байна. Энэ нь Бүтэнсайны орой хийж дуусгаагүй ажлууд, дараачийн төслүүд, чухал уулзалтуудаа бодон түгшүүрт автах мэдрэмжийг хэлдэг аж. АНУ-д 2000 ажилтныг хамруулсан судалгаагаар ажилчдын 75 хувь нь шинэ долоо хоног эхлэхийн өмнө түгшүүр мэдрэх, нойр хулжих асуудалтай тулгардгийг тогтоожээ. Та дараах зүйлсийг өөртөө туршиж үзэн стресс, түгшүүрээ бууруулаарай. 

1. Сөрөг бодолд автах буюу өөрийгөө зэмлэхээс зайлсхийгээрэй. Бодлоороо дамжуулан өөртэйгөө хэрхэн харилцаж буй нь бидний бие болон сэтгэл зүйн эрүүл мэндэд хүчтэй нөлөө үзүүлдэг. Headspace, Insight Timer зэрэг апп-уудаас зааварчилгаатай бясалгал сонсож хэвшсэнээр сөрөг бодлуудаа бага ч гэсэн өөрчлөх боломжтой. 

2. “Бүтэнсайн өдөр=Түгшүүр” гэсэн тархин дахь холбоосоо арилгах. Энэ өдөр та өөртөө цаг гарган, таатай мэдрэмж төрүүлдэг зүйлсээ хийж хэвшсэнээр энэхүү холбоосыг арилгах боломжтой. Долоо хоног бүр хийхэд төвөггүй жижиг зүйлсээс эхлээрэй. Ингэснээр таны тархи Бүтэнсайн өдрийг тэрхүү эерэг мэдрэмжтэй холбон санаж, түгшүүрийн мэдрэмж буурах юм. 

3. Түгшүүрийнхээ эх үүсвэрийг олж таних. Энэхүү түгшүүр нь таны ажлын хамт олны таарамжгүй байдал, хэт их ачааллаас үүсэж байна уу эсвэл зүгээр л та өөртөө хэт хатуу хандаж буйгаас үүдэлтэй байна уу гэдгийг тунгаахыг зөвлөж байна. Ингэснээр харилцаан дээрээ илүү анхаарах уу, өөрийн хэрэгцээгээ ажлын байрандаа илүү илэрхийлэх үү эсвэл ажлаасаа авч буй эерэг зүйлс дээр анхаарлаа илүү хандуулах уу гэх зэрэг дараагийн алхмаа тодорхойлох боломжтой болно. 

4. Даваа гарагийг урьдчилан төлөвлөх. Хийх ажлын жагсаалтаа бэлдэхээс гадна Даваа гарагт найзтайгаа үдийн хоол идэх эсвэл ажлаа тараад ямар нэг дуртай зүйлээ хийхээр төлөвлөснөөр түгшүүрийн мэдрэмжээ бууруулж чадна. 

ЗӨВ-ЛӨЕ

Хэрхэн гэмтэй мэдрэмж авахгүйгээр ажлын байранд өөрийн хил хязгаараа хамгаалах вэ? 

Хүн бүр ажил дээрээ “Үгүй” гэж хэлэхээс эмээсээр хэтэрхий их ачаалал авах үетэй тулгардаг. Хэдий байгууллагадаа оруулах хувь нэмрээ ихэсгэх, ажлаа цаг алдалгүй урагшлуулах сэтгэлээс үүдэлтэй ч энэ нь яваандаа дараах сөрөг үр дагаварыг авчирч болзошгүй.  

• Ажлаас халшрах хам шинжид өртөх

• Анхаарал багасах – Хэт олон ажил зэрэг хийх нь ажлын чанарыг бууруулдаг.

• Тодорхойгүй хүлээлт - Хил хязгаараа тодорхой тогтоогоогүйгээс үүдэн хамт олон, менежерүүд тань таныг үргэлж бэлэн байна гэж үзэх магадлалтай. 

🤯 Сэтгэлгээний өөрчлөлт: Хил хязгаар тогтоох = Хувиа хичээх бус өөрийгөө хүндэтгэх үйлдэл. Энэ өөрчлөлт нь бидэнд үр бүтээмжтэй ажиллаж, ажил амьдралын тэнцвэрийг хадгалахад тусална. "Үгүй" гэж хэлэх нь хүмүүст татгалзаж буйгаас илүүтэй ажлуудаа үр дүнтэйгээр эрэмбэлж байгаа хэрэг юм. 

Гэмтэй мэдрэмж авахгүйгээр хил хязгаараа тогтоох 5 арга 

1. “Тийм ээ, гэхдээ…” аргыг ашигла. "Үгүй" гэж шууд хэлэхийн оронд өөр байдлаар хэлээд үзээрэй. Жишээ нь: 

•  "Тийм ээ, би туслахыг хүсэж байна, гэхдээ би эхлээд энэ тайланг дуусгах хэрэгтэй. Би маргааш тусалж болох уу?"

•  "Би зарим зүйл дээр нь тусалж чадна, гэхдээ би бүгдийг нь хийж чадахгүй." 

2. "Хариу өгөх цаг"-аа тодорхойл. Жишээ нь: "Би 9:00 - 16:00 цагийн хооронд мэйлд хариулдаг" гэх мэт. Slack статусаа ажил тарсны дараа өөрчлөх, утасныхаа сонордуулгыг унтраах зэргээр тархиа амраагаарай. 

3. Үндсэн ажил, үүрэгтэй холбоогүй нэмэлт ажлыг байнга хүлээж авахаа боль. Дараах байдлаар эелдгээр татгалзаж болно. 

• "Би тусалмаар байгаа ч одоо нэлээд ачаалалтай ажиллаж байгаа учир үүнийг хийх боломжгүй байна."

• “Надад ноогдсон ажлуудын эрэмбийг илүү тодорхой болгох эсвэл энэ ажлыг өөр хүнд шилжүүлэх боломжтой юу?” 

4.  Анхаарал төвлөрүүлэх цагаа төлөвлө, түүнийгээ хамгаал. Хэрэв уулзалт болон хүмүүсийн хүсэлтүүд таны ажлыг байнга тасалдуулж байвал анхаарлаа төвлөрүүлэн суух 1-2 цагийг хуанли дээрээ тэмдэглэж, бусдадаа мэдэгдэх боломжтой. 

5. Даргатайгаа хил хязгаараа тогтоо. Зарим ажилчид багийн тоглогч биш мэт харагдахаас эмээж, менежерүүдтэйгээ хил хязгаар тогтоохоос эргэлздэг. Тэгвэл доорх байдлаар өөрийнхөө хэрэгцээг илэрхийлээд үзээрэй: 

• “Би энэ ажлыг авч болно, гэхдээ энэ нь өөр төслийг хойшлуулж магадгүй. Аль нь илүү шуурхай хэрэгтэй вэ?" 

•  "Би үүнийг дуртайяа хийнэ ээ, гэхдээ надад нэмэлт цаг хэрэг болно." 

TOXIC ДАРГА

 🔎TOXIC ДАРГА-н түүх хайж байна 

💌 ЭНД дарж өөрийн toxic удирдлагатай ажиллаж байсан түүхээ бидэнтэй хуваалцаарай. Бид дараа дараагийнхаа шууданд нийтлэх болно. 

КАЛЕНДАРАА БУДААРАЙ 

САНАЛ БОЛ-ГОЁ

Worki дээр нийтлэгдсэн байгаа ОНЦЛОХ ажлын зарууд 

✍CV-гээ хэрхэн тултал нь бичихээ мэдэхгүй байвал ЭНЭ нийтлэлийг уншаарай.

МЭЙЛЭЭ ХААХААСАА ӨМНӨ.... 

🤗 Зөвхөн өөртөө зориулах “me time” гаргахаа мартуузай. 

Карьер, ажил мэргэжлийн хувьд өсөж дэвжих зорилготой байгаа танд зориулан заавал үзэх, унших, сонсох лист бэлтгэлээ.  

🤗 Зөвхөн өөртөө зориулах “me time” гаргахаа мартуузай. 

Карьер, ажил мэргэжлийн хувьд өсөж дэвжих зорилготой байгаа танд зориулан заавал үзэх, унших, сонсох лист бэлтгэлээ.  

📺 Үзэх лист: 

📚 Унших лист: Бид “Манлайлагчийн гарын авлага” хэмээх Монголын топ компаниудын захирлуудыг онцолсон шинэ нийтлэлийн цувралыг энэ сард эхлүүллээ. Эхний дугаараар онцолсон О.Тэнүүн шаркаас суралцах манлайллын 5 сургамжийг уншихыг санал болгож байна. 

🎧 Сонсох лист: “UNTIE” подкастад Оюуны Ундраа Пропертиз ХХК -ийн Гүйцэтгэх захирал О.Тэнүүн оролцоо.