CARE-ЛИЙ

🍏 Ажлын бүтээмж сайжруулах хоол хүнс 

Ажил дээрээ өдрийн турш идэж буй хоол хүнс нь таны анхаарал төвлөрөлт, ой санамж, эрч хүчид шууд нөлөөлдөг. Элсэн чихэр, нүүрс ус ихтэй хөнгөн зууш хэрэглэвэл идсэнээс хэсэг хугацааны дараа энерги огцом унаж, ядрах мэдрэмж төрдөг. Харин дараах шинжлэх ухааны үндэслэлтэй хүнсийг хэрэглэснээр тархиа эрүүл, сийрэг байлгах боломжтой!

🥑 Эрүүл Өөх Тос = Сэргэлэн, цовоо сэтгэхүй 

Таны тархи 60% өөх тосноос бүрддэг тул эрүүл өөх тос тархины үйл ажиллагаанд чухал үүрэгтэй.  

•  Авокадо - Тархинд очих цусны эргэлтийг сайжруулдаг.

•  Хушга, бадамлянхуа самар – Ой тогтоолтыг сайжруулдаг омега-3 болон витамин Е агуулдаг.

•  Оливын тос - Тархины эрүүл мэндийг дэмждэг.

🫐 Антиоксидант = Ой тогтоолт сайжирна 

Антиоксидант нь тархины эсийн гэмтлээс урьдчилан сэргийлж, ой санамж, суралцах чадварыг сайжруулдаг. 

• Хөх тоор, гүзээлзгэнэ – Тархины эсүүдийн хоорондын мэдээлэл дамжуулалтыг сайжруулдаг.

• Хар шоколад (70%+ какао) – Ой тогтоолтод эерэг нөлөөтэй флавоноид агуулдаг.

• Цагаан гаа, турмерик – Үрэвслийн эсрэг үйлчилгээтэй бөгөөд толгой манарахыг багасгана.

🍳 Уураг = Анхаарал төвлөрөлт уртасна 

Уураг нь анхаарал төвлөрлийг сайжруулдаг допамин зэрэг нейротрансмиттерийг үйлдвэрлэхэд тусалдаг.  

• Өндөг– Ой санамж, тархины үйл ажиллагаанд чухал ач холбогдолтой холин агуулдаг.

• Грек тараг– Ходоодны эрүүл мэндийг дэмждэг пробиотик агуулсан бөгөөд энэ нь тархины үйл ажиллагаатай шууд холбоотой.

• Өөх тос багатай мах, загас - Анхаарал төвлөрөхөд шаардлагатай амин хүчлүүдийг өгдөг. 

🍊 Шингэн дутагдал = Сэтгэн бодохуй удааширч, толгой манарах 

Бага зэргийн шингэний дутагдал (1-2%) ч гэсэн анхаарал төвлөрөх чадвар болон эрч хүчийг бууруулдаг. 

• Цэвэр ус

• Ногоон цай - Кофены сөрөг нөлөөгүйгээр анхаарал төвлөрлийг нэмэгдүүлж, эрч хүч нэмнэ.

• Кокосны ус– Байгалийн электролит агуулдаг тул тархины үйл ажиллагааг сайжруулна. 

🍞 Нэгдмэл нүүрс ус = Тогтвортой Эрч Хүч 

Тархины гол түлш нь глюкоз боловч бүх нүүрс ус адилгүй! Удаан шингэж, эрч хүчийг хадгалах хүнс:

• Бүхэл үрийн хүнс - Овьёос, бор будаа, киноа

• Шош, буурцагт ургамал

• Чихэрлэг төмс

ЗӨВ-ЛӨЕ

Ажлын байрандаа гацсан мэт санагдаж байна уу? Заавал бүхнийг шинээр эхлэхгүйгээр шинэ чиглэлд шилжин карьерын эргэлт хийх цаг нь болсон байж магадгүй шүү. Карьерын эргэлт хийж ур чадвар, туршлагаа илүү сонирхолтой, үнэ цэнтэй салбарт шилжүүлэн ашиглах боломж бидэнд бий.

🚀 Карьерын эргэлт хийх цаг болсныг илтгэх 5 шинж 

❌ Шинэ зүйлд суралцахаа болих – Өдөр бүр нэгэн хэвийн санагдаж, сэтгэл хөдлөл мэдрэгдэхээ болих. 

❌ Үнэт зүйл өөрчлөгдөх – Урьд нь сэтгэл хөдөлгөм байсан зүйл одоо утгагүй мэт санагдах. 

❌ Өөр салбар, шинэ ажлын талаар байнга бодох – Гэхдээ хэрхэн шилжихээ мэдэхгүй байх. 

❌  Ажиллаж буй салбар тань хумигдах – Технологийн дэвшил, автоматжуулалт таны ажлыг эрсдэлд оруулах. 

❌ Үргэлж ядарч, сэтгэл санааны хувьд хоосон мэт мэдрэх. 

Өөрчлөлт хийхийг хүсэж байна гэдэг нь та бүтэлгүйтсэн гэсэн үг биш! Харин ч хөгжил дэвшлийн шинж тэмдэг юм. 

🧩 Карьерын эргэлтийн 4 төрөл 

Карьерын эргэлт хийхдээ заавал бүхнийг тэгээс эхлэх шаардлагагүй. Өөрийн туршлага, чадвараа ашиглан дараах төрлийн шилжилтүүдийн аль нэгийг сонгож болно: 

• Салбарын шилжилт – Үүрэг, мэргэжлээ өөрчлөхгүйгээр шинэ салбарт ажиллах. Жишээ: Маркетингийн мэргэжилтэн жижиглэнгийн салбараас технологийн компанид шилжих. 

• Ур чадварын шилжилт – Өмнөх ажлын ур чадвараа өөр ажилд ашиглах. Жишээ: Сэтгүүлч контент маркетинг эсвэл олон нийттэй харилцах чиглэлд шилжих. 

• Бизнес эрхлэх шилжилт – Байгууллагын ажилтнаас хувиараа бизнес эрхлэгч, фрилансер болох. 

• Хүсэл тэмүүлэлд суурилсан шилжилт – Өөр салбарт шинэ чиглэлээр ажиллах.  

🔄 Шинэ карьер луу амжилттай шилжих арга 

Карьерын эргэлт хийхдээ туршлагаа үгүйсгэх биш, харин хэрхэн дахин ашиглах вэ гэдэгт анхаараарай! 

1. Хөрвөх боломжтой ур чадваруудаа тодорхойлох

2. Бүрэн үсрэлт хийхийн өмнө туршиж үзэх - Онлайн курс үзэх, сайн дурын ажил хийх, ментортой холбогдох, өдөр бүр 30 минут шинэ салбараа судлах гэх мэт. 

3. Өөртөө шинэ брэндинг үүсгэх - CV, LinkedIn-ээ шинэчлэх, Нетворкинг ашиглах 

4. Санхүүгийн төлөвлөгөө боловсруулах - Дор хаяж 3-6 сарын амьдрах зардлаа хадгалах, шилжилтийн хугацаанд түр зуурын ажил хийх боломжийг судлах эсвэл шинэ ур чадвараа ажлынхаа хажуугаар эзэмших гэх мэт. 

5. Шийдвэр гаргаад, бодитоор үйлдэл хийх - "Хэрэв бүтэхгүй бол яах вэ?" гэж бодохын оронд "Хэрэв би үүнийг хийж чадвал яах вэ?" гэж өөрөөсөө асуугаарай. Төгс шилжилт гэж байдаггүй – гол нь эхлэхэд оршино.  

TOXIC ДАРГА

 🔎TOXIC ДАРГА-н түүх хайж байна 

💌 ЭНД дарж өөрийн toxic удирдлагатай ажиллаж байсан түүхээ бидэнтэй хуваалцаарай. Бид дараа дараагийнхаа шууданд нийтлэх болно. 

КАЛЕНДАРАА БУДААРАЙ 

САНАЛ БОЛ-ГОЁ

Worki дээр нийтлэгдсэн байгаа ОНЦЛОХ ажлын зарууд 

✍CV-гээ хэрхэн тултал нь бичихээ мэдэхгүй байвал ЭНЭ нийтлэлийг уншаарай.

МЭЙЛЭЭ ХААХААСАА ӨМНӨ.... 

🤗 Зөвхөн өөртөө зориулах “me time” гаргахаа мартуузай. 

Карьер, ажил мэргэжлийн хувьд өсөж дэвжих зорилготой байгаа танд зориулан заавал үзэх, унших, сонсох лист бэлтгэлээ.  

📺 Үзэх лист: The Intern кино нь 70 настай тэтгэвэрт гарсан Бен Уиттакерын түүхийг өгүүлдэг. Тэрээр өөрийгөө завгүй байлгахын тулд залуучуудад зориулсан стартап компанид дадлагажигчаар ажилд орж, туршлага, тайван хандлага, мэргэн зөвлөгөөгөөрөө ажлын орчинд чухал байр суурь эзэлж эхэлдэг. Өсөлттэй бизнесийн соёл, олон үеийн ажиллах арга барилын ялгаа болон хэзээ ч суралцахад оройтохгүй гэдгийг харуулсан кино. 

📚 Унших лист: “Манлайлагчийн гарын авлага” цуврал нийтлэлийн шинэ дугаарт онцолсон Ө.Ганзоригоос суралцах манлайллын 5 сургамжийг уншихыг санал болгож байна. 

🎧 Сонсох лист: “UNTIE” подкастд Монголын Сансрын Судалгаа хөгжүүлэлтийн төвийн Тэргүүн Г.Амгаланбаяр оролцлоо. Түүнтэй ярилцсан зангиагүй ярилцлагаас мэдлэг, шинэ санаа авна гэдэгт итгэлтэй байна.